بيني وبينك ماابي اليوم مرسول

ماني من اللي يتبع الدف بطبول
ولاني من اللي لا وطى الارض يختال
سمح امتواضع فيني الصدق مجبول
ما قد حمل قلبي من الحقد مثقال
دجت الوسيعه يالملا عرضٍ وطول
وارويت فكري من وسيعين الامثال
اخذت من هذا تعاليل وحلول
وخففت مع هذا ثقيلات الاحمال
ادري تعبت واغلب الصبر مملول
مير العزيمه ترخي احبال واحبال
ياللي سألت القلب لا تعجل القول
ينبيك فعلي قبل تنبيك ا لاقوال
القلب جالك والهوى معه محمول
منه المشاعر مثل الامطار تنهال
بيني وبينك ماابي اليوم مرسول
الدرب شايك واكثر الناس عذال
جيتك وقلبي من ضنى الوقت معلول
محتاج قربك طامعٍ منك بوصال
قربني يمك وسقني منك معسول
معسول حبك وامسح الدمع لا سال
بالحيل غالي والدلع منك مقبول
آمر تدلل لجلك الصعب ينطال
كاس الوفى في داخل الجوف مزلول
والعهد باقي شامخ شمخ الِ جبال
ماغبت عنك وانت يازين مشغول
عن حال خلك بين روحات واقبال